Налайх дүүргийн зургаадугаар хороо, Тэрэлжийн зам дээр 2633 УНҮ дугаартай автомашины цонхоор жаахан охид гарч, хөдөлгөөнд оролцож байгаа бичлэг цацагджээ. Тус үйлдлийг нэгэн иргэн цахим хуудаснаа нийтэлж, "Энэ хавьд цагдаа байна уу. Үхвэл яанаа. Жаахан охид арай ч дээ" хэмээн нийтэлсэн байна.

Уг бичлэгийн талаар ЦЕГ-аас тодруулахад "Тээврийн цагдаагийн албанд уг үйлдлийг шалгаад хариуцлага тооцох үүрэг өгсөн" гэлээ. Мөн энэ талаар олон нийтэд эргэн мэдээлэх аж.