УИХ-ын гишүүн, Сангийн сайд асан Ч.Хүрэлбаатар өөрийн твиттер хуудсаараа дамжуулан Хотын дарга болон НОК-ын удирдлагуудыг хөнгөхөн шүүмжлээд амжлаа.

Тэрбээр "Хөл хорио дууслаа. Өнөөдөр үсчин ажиллаж эхлэх бил үү? Ажиллаж байгаа бол гарч үсээ засуулъя байз. 42 размерийн гутал өмсдөг, өнөөдөр тэгш нь бил үү? Сондгой нь бил үү?" хэмээн жиргэжээ.

Сануулахад, өнөөдөр хөл хориог сулруулсантай холбоотойгоор НОК-оос автомашиныг замын хөдөлгөөнд тэгш, сондгой байдлаар хязгаарлалт тогтоож оролцуулахаар захирамж гаргасан. Энэ нь олон нийтийн зүгээс иргэд хувийн машиндаа халдвар хамгааллын дүрмээ сахиад явах боломжийг хааж заавал олон хүн цугласан нийтийн тээврээр зорчуулах шаардлага үүсгэлээ гэж үзэж байна.

Ямартаа ч энэ шийдвэрээ НОК эргэж харах нь зүйтэй.