УИХ дахь АН-ын бүлгийн гишүүд талбай дээрх өлсгөлөнгөө үргэлжлүүлж байна. Тэдний талыг дэмжигч иргэд мөн талбай дээр цугласан.

 Энэ үеэр Ардчилсан намын гишүүн, ардчиллын анхдагчдын нэг Улсын баатар Э.Бат-Үүл “Ардчилсан нам хэнийг ч сонсох зүрх сэтгэлтэй байсан. Ардчиллын төлөө тэмцэнэ гэхээр нь хамтдаа тэмцэх гэж ирлээ. Яагаад оруулахгүй хөөж туугаад байгаа юм. Та нар коммунистууд юм уу, Ийм ардчилал гэж байдаггүй. Би яахав дээ гишүүд дээрээ очоод санаа бодлоо хэлээд тэврэлдэнэ л биз дээ. Манай намыг бид хуваагаагүй. У.Хүрэлсүх гэж хүн нэр дэвшихээ зогсоовол таарна. МАН Ардчилсан намыг талцуулж тоглохоо боль. Хөл хорио тавьсан болохоор л ирлээ” гэв.