УИХ дахь АН-ын бүлгийн гишүүд нэр дэвшигч Н.Алтанхуягийг бүртгэж авахгүй байгаа асуудалтай холбогдуулан талбай дээр өлсгөлөн зарлаад байгаа юм. Уг асуудалтайгаар холбоотойгоор УИХ-ын дарга Г.Занданшатар өнөөдөр АН-ын бүлгийн гишүүдтэй очиж уулзаж, асуудлыг хэлэлцээрийн ширээнд сууж шийдвэрлэх хүсэлт тавьсан.

Тэгвэл энэ асуудлаар УИХ дахь Ардчилсан намын бүлэг ээлжит бусаар Сүхбаатарын талбайд 100 хувийн ирцтэйгээр хуралджээ. Хурлаар цаг үеийн нөхцөл байдлын талаар хаалттай хэлэлцсэн байна. Гишүүд, УИХ-ын дарга Г.Занданшатартай уулзаж хамтарсан ажлын хэсэг байгуулахаар тохиролцсон. Энэ дагуу ярилцаж байр сууриа нэгтгэжээ.

Баяр