Улсын дээд шүүхээс шинээр АН-ын даргаар сонгогдсон хоёр хүнийг аль алийг нь бүртгэхээс татгалзсан шийдвэр гаргасан. Энэ шийдвэр нь хуучин бүртгэл буюу С.Эрдэнэ даргатай АН-ын бүртгэл хууль ёсны гэсэн үг юм. Энэ талаар АН-ын дарга С.Эрдэнэ өөрийн байр сууриа сошиал хуудснаа ийнхүү хуваалцжээ. 

  Тэрбээр, "УДШ-дээр шинэ даргыг бүртгэх асуудлыг УТНТХ-ийн 13.9-д зааснаар бүртгэхээс татгалзсан байна..Энэ нь Ерөнхийлөгчийн сонгуульд АН-оролцох асуудалд хамааралгүй бөгөөд парламентад суудалтай УДШ-ийн тогтоолтой улсын бүртгэлтэй нам Ерөнхийлөгчийн сонгуульд шууд оролцох эрхтэй!. УДШ АН-ын шинэ даргыг бүртгэхээс татгалзсан шийдвэр нь 1-рт Ерөнхийлөгчийн сонгуульд АН оролцох асуудалд нөлөөлөхгүй 2-рт би хариуцлагаа хүлээж АН-ын даргын ажлаа шинэ дарга М.Тулгатад шилжүүлсэн! Энэ шийдвэр одоо ч хэвээрээ байгаа гэдгийг хариуцлагатай хэлчихье!!" гэжээ.