Халдвар авсан хүнтэй ойрын хавьтал болсон 10,946 хүн тусгаарлагдаж байгаа талаар Эрүүл мэндийн яамнаас мэдээллээ. Тодруулбал, Монгол Улсад бүртгэгдсэн коронавируст халдварын тохиолдол өнөөдөр 1,107-оор нэмэгдэж, нийт өвчлөлийн тоо 19,672-д хүрлээ.

   Эмнэлгийн ачаалал, орны нөөцөөс шалтгаалан хөнгөн өвчтөнүүдийг гэрээр эмчилж байгаа юм. Өнөөдрийн байдлаар улсын хэмжээнд 3,025 иргэн коронавируст халдварын улмаас эмнэлэгт хэвтэн эмчлүүлж байгаа бол гэрийн нөхцөлд 1,090 хүн эмчлэгдэж байна.