Халдварт өвчин судлалын үндэсний төвийн Хүүхдийн тасгийг НҮБ-ын Хүүхдийн сангийн дэмжлэгтэйгээр бүрэн шинэчлэн засварлаж үйлчлүүлэгчдийг хүлээн авахад бэлэн боллоо.
Уг тасгийг улаанбурхан, улирлын томуу, томуу төст өвчин, бусад халдварт өвчний дэгдэлт, ачаалалтай холбоотойгоор орны тоог 23 болгон нэмэгдүүлж, бүрэн тохижуулсан ба нийт 320 сая төгрөгийн хөрөнгө оруулалт хийв.
Ингэснээр халдварт өвчний үед хүүхдүүдэд үзүүлэх тусламж үйлчилгээний чанарыг сайжруулан, халдварын хяналт, сэргийлэлтийг бэхжүүлж, хүүхэд, асран хамгаалагчдад аюулгүй, тав тухтай орчинд эмчлүүлэх боломжийг бүрдүүллээ.
ХӨСҮТ-д жилд 15,000 мянга гаруй хүүхэд цочмог халдварт өвчний шалтгаанаар хэвтэн эмчлүүлдэг. Үүний 60 хувийг 0-5 насны хүүхэд эзэлдэг байна.
