Төв аймгийн Өндөрширээт суманд байрлах Пунцог Даржай хийдэд хулгай орсон тухай дуудлага энэ сарын 28-нд цагдаагийн байгууллагад иржээ.
Дуудлага мэдээллийн дагуу цагдаагийн алба хаагчид тус хийдэд очиход хуучны зурмал Гомбо, Жамсран бурхан, цан, сэлэм, хонх зэргээс тус бүр нэг ширхэг, мөн гуулин Богд Зонхов бурхан гурван ширхэг, нийт найман төрлийн эд зүйл алдагдсан байжээ. Хэргийг Төв аймгийн Заамар сум дахь сум дундын цагдаагийн хэлтэс шалгаж байна.
