Баянхонгор аймгийн нутаг дэвсгэрт “Эрэгтэй хүн шатаж нас барсан байна” гэх дуудлага, мэдээлэл энэ сарын 27-ны өдөр цагдаагийн байгууллагад бүртгэгджээ.

Тодруулбал, иргэн “Д” нь согтууруулах ундаа хэрэглэсэн үедээ бие дээрээ шатахуун асгаж, өөрийгөө шатаан амь хохирсон байна. Шалгалтын ажиллагаагаар тус амь хохирогч нь гэр бүлийн маргааны улмаас амиа егүүтгэсэн байж болзошгүй нөхцөл байдал тогтоогдоод байгаа аж.