Дэлхийн нийтэд цар тахлын халдварын тоо өдрөөс өдөрт нэмэгдэж, Монгол Улсад ч дотоодын халдвар нэмэгдэж байгаа энэ үед дотоодод хатуу хөл хорио тогтоогоод байгаа. Тэгвэл Дүрслэх урлагийн сургуулийн Фото лаб-ийн оюутнуудын зүгээс хөл хорионд байгаа хүмүүст зориулан “Үнэн ба нууц” виртуал гэрэл зургийн үзэсгэлэнг дэлгэжээ. Үзэсгэлэнг гэрээсээ болон хүссэн газраасаа үзэх боломжийг бүрдүүлж байгаагаараа онцлог юм байна.

Үзэсгэлэнг ЭНД дарж сонирхоно уу.

Энэхүү гэрэл зургийн үзэсгэлэнг Дүрслэх Дизайн урлагийн сургуулийн Фото лаб-ийн магистр болон бакалаврын зэргээр суралцаж байгаа 17 оюутан уран бүтээлчид бүтээсэн байна. Эдгээр залуусын дунд уул уурхайн инженер, газрын тосны инженер, аялал жуулчлал, сэтгүүлч, зураглаач, санхүү эдийн засагч гэх мэт тал бүрийн мэргэжилтэй хүмүүс гэрэл зургаар дамжуулан дуу хоолойгоо нэгтгэжээ.