УИХ-ын чуулганы өчигдрийн хуралдаанаар Монгол Улсын 2024 оны нэгдсэн төсвийн гүйцэтгэл, Засгийн газрын 2024 оны санхүүгийн нэгтгэсэн тайлан болон "Монгол Улсын 2024 оны төсвийн гүйцэтгэл батлах тухай” УИХ-ын тогтоолын төслийн нэг дэх хэлэлцүүлгийг хийсэн билээ.
ҮАГ-ын Санхүү, нийцлийн аудитын газрын захирал, тэргүүлэх аудитор Ц.Наранчимэг: Эмийн сан, эмнэлгийн тусламж үйлчилгээний өглөг өмнөх өнөөс 98.5 тэрбум төгрөгөөр өсөж, энэ оны баталгаажуулсан тайлангаар 316.8 тэрбум төгрөгийн өрийн үлдэгдэлтэй байна. Үүнээс 228.6 тэрбум төгрөг буюу 72.2 хувийг улсын эмнэлэг, 64.8 тэрбум төгрөг буюу 20.4 хувийг хувийн хэвшлийн эмнэлэг, 9.7 тэрбум төгрөг буюу 3.1 хувийг ӨЭМТ, 8.2 тэрбум төгрөг буюу 2.6 хувийг эмийн сан, 5.5 тэрбум төгрөг буюу 1.7 хувийг рашаан сувилалд өгөх өрийн үлдэгдэл эзэлж байна. Аудитын газраас эрүүл мэндийн байгууллагын тогтолцоог сайжруулах шаардлагатай гэсэн зөвлөмжийг өгсөн.
