Ирэх зургаадугаар сарын 1-нээс Улаанбаатар хотыг 14 хот болгон хуваах асуудлыг нэг жилээр хойшлуулсныг Нийслэлийн Засаг даргын орлогч Т.Даваадалай хэллээ. Тэрбээр "14 хот болгох тухай асуудлыг нэг жилээр хойшлуулсан. УИХ-ын гишүүд болон Засгийн газрын гишүүд багтсан ажлын хэсэг дээр энэ тухай ярилцаж хойшлуулсныг би зөв гэж бодож байна. Яагаад гэвэл бид 14 хот болгох нь концепцын хувьд зөв. Учир нь, өнөөдөр нийслэлээс дэд бүтэц рүү төвлөрч ажиллаж байна. Ирэх жил Засгийн газар боловсролын дэмжих жил болгон зарлаж сургуулийн хүртээмжийг нэмэгдүүлнэ. Ингэснээр гэрээсээ ойр 20 минутын зайд хүүхдүүдээ сургуульд хүргэх боломжтой. Энэ нь түгжрэлээс авхуулаад маш олон зүйлд нөлөө үзүүлнэ. Тиймээс бид 14 хотыг хуваах дэд бүтцээ бэлдэж байгаа болохоор одоо төсөв ярихгүй гэсэн үг" гэлээ. Үргэлжлүүлэн хэлсэн үгэндээ " 14 хотод хувааж зардал нэмэх гэж байгаа юм биш. Зорилго нь гэрээсээ 20 минутад нийтийн тээврээр сургууль, цэцэрлэг, ажлын байр, эмнэлгийн үйлчилгээ зэрэг нийтийн үйлчилгээнд байснаар зайнд авах боломжийг бүрдүүлнэ. Үүний дагуу дэд бүтцийг хөгжүүлж байна. Дэд бүтцээ хийсэн байхад засаг захиргааны асуудал амархан шүү дээ " гэлээ.