Хуульзүйн байнгын хорооны хуралдаан үргэлжилж байна. Хуралдааны үеэр Хуульзүйн сайд О.Алтангэрэлээс УИХ-ын гишүүд асуулт асууж байна. Энэ үеэр УИХ-ын гишүүн Г.Дамдинням "Явж явж хэдэн цагдаа хариуцлага хүлээгээд дуусах вий дээ. Та ХАРИУЦЛАГА ХҮЛЭЭХ ҮҮ" хэмээн асуулаа. Түүний асуултад ХЗДХ-ийн сайд О.Алтангэрэл "Цагдаагийн алба хаагчдыг цахим мөрийтэй тоглоомтой тэмц гэж хэлчхээд тэмцээд явахаар нь үндэслэлгүйгээр буруутгаад байж болохгүй. Хэрэв улстөрийн буруутгал хэрэгтэй байгаа бол би түүнийг нь хүлээхэд бэлэн. Надад айгаад, асуудлаас бултаад байгаа зүйл байхгүй" гэв.