Энэ жил сар шинийн баяраар билгийн тооллын шинийн НЭГЭН тасарч буй талаар Гандантэгчэнлин хийдээс болон зурхайчид мэдэгдсэн. Тодруулбал, хоёрдугаар сарын 28-нд битүүлж, гуравдугаар сарын 1-нд шинийн НЭГЭН тохиох байсан ч ийнхүү тасарсан тул гуравдугаар сарын 1 буюу шинийн 2-нд золгоно.

Тэгвэл бүх нийтээр тэмдэглэх баяр, тэмдэглэлт өдрүүдийн талаар УИХ-ын гишүүн Д.Үүрийнтуяагаас тодруулахад "Нийтээр тэмдэглэх баярын өдрийг хуульчлахдаа иргэдийн саналыг заавал тусгадаг байх ёстой. Судалгаанаас харахад Сар шинийн баяраар тээврийн хэрэгслийн хөдөлгөөн ихсэж, ослын тоо эрс нэмэгддэг юм билээ. Амьдралд ойр шийдвэр гаргах нь чухал байна. Түүнчлэн олон баярыг хавтгайруулж тэмдэглэхээс илүү үндэсний том хоёр баяр болох наадам, цагаан сарыг өргөн дэлгэр тэмдэглэх үүднээс хугацааг нь эргэж харах хэрэгтэй гэж бодож байна" гэв.