Лхагва гарагт Монгол Улсын Ерөнхийлөгч У.Хүрэлсүх 2025 оны төсөвт бүхэлд нь хориг тавьсан билээ. Харин өчигдөр УИХ-ын даргын дэргэдэх Зөвлөл хуралдаж, УИХ-аар хоригийг хэлэлцэх товыг гаргасан юм.

Энэ дагуу УИХ дахь МАН-ын бүлэг хуралдаж, Монгол Улсын 2025 оны төсвийн тухай хууль, хамт өргөн мэдүүлсэн болон холбогдуулан боловсруулж баталсан хууль тогтоомжид бүхэлд нь тавьсан Монгол Улсын Ерөнхийлөгчийн хоригийг хэлэлцэж, хүлээн авах нь зүйтэй гэж шийдвэрлэлээ.