2024-2025 оны хичээлийн жилд бие даалтын долоо хоногийг I, II улиралд зохион байгуулахаар тогтсон. Нэгдүгээр улирлын бие даалтын долоо хоног аравдугаар сарын 28-ны өдрөөс эхэлнэ. Эдгээр өдрүүдэд танхимаар хичээллэхгүй. Тэгвэл бие даалтын долоо хоногт дунд ангийнхан юу хийж болох вэ?

Төсөлт ажилд оролцох. Энэ нь мод тарих зэрэг байгаль орчноо хамгаалахад чиглэсэн ажлууд байна. Эцэг эхийнхээ ажлын газраар зочлох, үйлдвэр үйлчилгээний газруудтай танилцах.

Бүтээлч сэтгэлгээ хөгжүүлэх үйл ажиллагаанд номын сантай танилцах, ном унших, музей үзэх, өв уламжлалаа судлах, урлаг спортын арга хэмжээ зэрэг багтжээ. Ингэснээр бусдыг хүндэтгэх, эерэг хандлагад суралцах, бүтээлч сэтгэлгээг хөгжүүлэхэд тустай гэж үзжээ.