Нэг хоногт 250 хүүхэд Гэмтэл согог судлалын үндэсний төвд иржээ. Энэ бол өчигдөр тус төвийн яаралтай түргэн тусламжийн тасагт хандсан хүний тоо. Тус төвийн статистик мэдээллээс харвал өчигдөр 325 хүн эмнэлгийн тусламж үйлчилгээ авсны тэн хагас нь хүүхэд байгаа юм. Хүүхдийн осол гэмтлийн дийлэнх шалтгаан нь ахуйн осол, механик гэмтэл ясны сийрэгжилттэй холбоотой болохыг тус төвийн гэмтлийн эмч эмч П.Баттулга хэлсэн. Тэрбээр "Оргил ачааллын үед хүмүүс 00, үүд хүртэл дугаарладаг. Шөнө дунд 02:00 цагаас хойш бага зэрэг татарна. Ачаалалгүй үе гэж байхгүй" гэж байв.
Статистик мэдээллээс харвал, яаралтай мэс засалд 16 хүн орсон бол одоогоор 616 хүн хэвтэн эмчлүүлж байна. Мөн эрчимт эмчилгээний тасагт 21 хүн эмчлүүлж байгаа аж.
