Дорноговь аймгийн Айраг сум, Өнгөт багийн "Олон-Овоо” гэдэг газар /Дорноговь аймгийн төвөөс хойд зүгт 155 км, Айраг сумаас хойд зүгт 25 км, Говьсүмбэр аймгийн төвөөс урд зүгт 50 км-т/ иргэн Э нь энэ сарын 2-ны өдөр мотоциклоор яваад сураггүй болсон тухай дуудлагыг 5-ны өдрийн 17:15 цагт хүлээн авчээ.
Говьсүмбэр аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид, ар гэрийн хүнтэй нь хамт 50 км зам туулан 12:17 цагт очиж, иргэн Э/44 настай, эрэгтэй/-ыг эрэн хайх ажиллагааг Шивээговь сумын 2 дугаар багийн "Цагаан-Эрэг", Дорноговь аймгийн Айраг сум "Олон-Овоо", "Алаг толгой"-н уурхай, МАК-ийн уурхай, Даланжаргалан сумын 2 дугаар багийн "Өнгөт"-ийн гүүрнээс урд зүгт 10 км орчим, нийт 400 км эрэн хайх ажиллагааг зохион байгуулсан байна.
Гуу жалга, үер урссан сайр эргээр дрон нисгэж зохион байгуулж 20:00 цагт зогсоосон бөгөөд өнөөдөр эрлийн ажиллагааг үргэлжлүүлэхээр болжээ.
