Авлигын эсрэг хуульд зааснаар албан тушаалтнууд жил бүрийн хоёрдугаар сарын 15-ны дотор Хөрөнгө, орлогын мэдүүлгээ шинэчлэн гаргах үүрэг хүлээдэг.
Өнөөдрөөс буюу шинэ оны эхний ажлын өдрөөс албан тушаалтнуудын хөрөнгө орлогын мэдүүлгээ гаргах "тоолуур" ажиллаж эхэллээ.
АТГ-ын Хяналт, шалгалт дүн шинжилгээний хэлтэс жил бүр 40 гаруй мянган албан тушаалтны хөрөнгө орлогын мэдүүлгийг https://meduuleg.iaac.mn цахим системээр хүлээн авч, шалгадаг байна.
Сонгуулийн жилд улстөрчдийн хөрөнгө орлогын мэдүүлэг хамгийн их анхаарал татдаг бөгөөд нийтийн албан тушаалтны мэдүүлгийг АТГ шалгадаг бол УИХ-ын гишүүдийг УИХ-ын Ёс зүйн дэд хороо шалгадаг зохицуулалтай. Харин Засгийн газар, УИХ-ын гишүүний үүргийг давхар гүйцэтгэж байгаа бол АТГ-аас шалгах боломжтой аж.
