Цагдаагийн байгууллагаас өнгөрсөн 14 хоногийн хугацаанд шалгаж шийдвэрлэсэн хэргүүдийн талаар мэдээлэл өгөв. Энэ үеэр Кибер гэмт хэрэгтэй тэмцэх газрын дарга, хурандаа С.Тайван "17 настай иргэн Ш 283 иргэний цахим хаягийг хакердаж, 29 иргэнээс 13 сая төгрөг шилжүүлж авсан нь тогтоогдсон. Мөн өөр нэгэн иргэн машин худалдах зар байрлуулж, иргэний хувийн мэдээлэл, банкны картны мэдээллийг авч "Токи" аппликейшнаар дамжуулан дансан дахь мөнгийг нь хулгайлах гэмт хэрэг үйлдсэн. Одоогоор 100 иргэнийг хохироогоод байна. Тиймээс иргэд шаардлагагүй зээлийн апплейкшнүүдээ устгахгүй бол цахим гэмт хэргийн хохирогч болох магадлал өндөр байна" гэлээ.