Энэ мэдээ хуучирсан буюу 2024/02/26-нд нийтлэгдсэн мэдээ болно.

ЦЕГ: Найз бүсгүйгээ хөнөөсөн этгээд олон тооны нохойтой байсан. Цогцсыг нь нохойд хаяж өгсөн гэх мэдээллийг одоогоор батлах боломжгүй, шалгаж байна

Ангилал
 Хууль эрх зүй
Огноо
Унших
1 минут 39 секунд

Өнөөдөр зарим хэвлэл мэдээллийн хэрэгслээр "Мансуурсан этгээд найз бүсгүйгээ мөчилж хөнөөж, нохойгоо хооллосон" гэх мэдээлэл цацагджээ. Энэ хэргийн талаар ЦЕГ-аас мэдээлэл өглөө.

Тодруулбал, ЦЕГ-ын ХМТ-ын дарга, цагдаагийн хурандаа Б.Батзориг "Уг хэргийн прокурорын зөвшөөрсөн хэмжээнд мэдээллийг хүргэнэ. ХУД-ийн 13 дугаар хороо... дугаар гудамжны.. дугаар тоотод орших 47 настай иргэн Б гэх эрэгтэйтэй цуг амьдарч байсан Ц нь энэ оны нэгдүгээр сарын 18-ны өдрөөс хойш сураггүй алга болсон. Тиймээс ар гэрийнхэн нь энэ сарын 21-ны өдөр цагдаагийн байгууллагад мэдээлэл өгсөн. Мэдээллийн дагуу цагдаагийн байгууллага хойшлуулашгүй ажиллагааг явуулж байна.

Мөрдөн шалгах ажиллагаагаар тус тоотод оршин суух Б-гийн гэр болон тээврийн хэрэгслээс НҮБ-ын мансууруулах эмийн тухай нэгдсэн конвецийн жагсаалтад багтдаг сэтгэцэд нөлөөлөх эм бэлдмэл бодис илэрсэн байж болзошгүй нөхцөл байдал илэрсэн. Тиймээс уг иргэнийг энэ сарын 23-наас яллагдагчаар татаж, цагдан хорьж шалгаж байна.

Иргэн Ц-тэй хамтран амьдарч байсан Б нь олон тооны нохойтой байсан. Цахим орчинд мансуурсан этгээд хохирогчийн цогцсыг нохойд хаяж өгсөн гэх мэдээлэл гарч байгаа ч үүнийг нотлогдох боломжгүй. Шалгалтын ажил хийгдэж байна" гэлээ.

ЦЕГ: 17 настай иргэн “Ш“ 283 иргэний цахим хаягийг хакердаж, 29 иргэнээс 13 сая төгрөг шилжүүлж авсан нь тогтоогдсон
ЦЕГ: 17 настай иргэн “Ш“ 283 иргэний цахим хаягийг хакердаж, 29 иргэнээс 13 сая төгрөг шилжүүлж авсан нь тогтоогдсон
 
ШУУД: УИХ-ын гишүүдийн ирц хүрээгүй тул Чуулганы хуралдаан одоог хүртэл эхлээгүй байна
ШУУД: УИХ-ын гишүүдийн ирц хүрээгүй тул Чуулганы хуралдаан одоог хүртэл эхлээгүй байна
Энэ мэдээ хуучирсан буюу 2024/02/26-нд нийтлэгдсэн мэдээ болно.