Засгийн газрын өнөөдрийн хуралдаанаас гарсан зарим шийдвэрүүдийн талаар холбогдох сайд нар мэдээлэл хийж байна. Энэ үеэр ХНХ-ын сайд Х.Булгантуяа дараах мэдээллийг өглөө. Тэрбээр,

"Өнөөдрийн хуралдаанаар "Хүүхэд хамгааллын тухай хууль"-ийн талаар хэлэлцсэн. Сүүлийн үед хүүхдийн эсрэг үйлдэгдэж байгаа гэмт хэрэг болон осол, аваар нэмэгдэж байна. Манай улсын 36,2 хувийг хүүхэд эзэлж байгаа. Мөн нийгмийн халамжийн дэмжлэг туслалцаа зайлшгүй шаардлагатай айл өрхөд нийт хүүхдүүдийн 36 хувийг эзэлдэг. Хүнсний эрхийн бичигт хамрагдаж байгаа хүүхдүүд 76 мянга, эрсдэлт нөхцөлд 14 мянган хүүхэд байна.

Ялангуяа ковидын үед энэ тоон үзүүлэлт нэмэгдсэн" гэв.