НЗДТГ-аас “Автомашингүй өдөр-2023” арга хэмжээг “Эрсдэлгүй-Эрүүл орчныг хамтдаа” уриан дор ирэх бямба гарагт буюу есдүгээр сарын 23-нд 07:00-18:00 цагийн хооронд зохион байгуулах гэж буй. Энэ хүрээнд Нийслэлийн Хөдөлмөр, халамжийн газраас “Халамжаас хөдөлмөрт” нэгдсэн өдөрлөг - үзэсгэлэн худалдаа зохион байгуулах гэж байна. Тодруулбал, өрхийн үйлдвэрлэл, бичил бизнес эрхлэгч иргэдийн хөдөлмөр эрхлэлтийг дэмжих, тэдний үйлдвэрлэсэн бараа, бүтээгдэхүүнийг борлуулахад дэмжлэг үзүүлэх, өрхийн орлогыг нэмэгдүүлэх, иргэд, олон нийтэд салбарын хууль тогтоомжийг сурталчлан таниулах, хөдөлмөр, халамжийн үйлчилгээг нэг дороос хүргэх юм. Иймд иргэд та бүхнийг өргөнөөр оролцохыг урьж байна.

Өдөрлөгт:

• Хөгжлийн бэрхшээлтэй хүний хөгжлийн ерөнхий газар
• Нийслэлийн Хөдөлмөр, халамжийн газар
• Төвийн 6 дүүргийн Хөдөлмөр, халамжийн үйлчилгээний хэлтэс
• 10 гаруй ажил олгогч байгууллага
• 60 гаруй бичил бизнес эрхлэгч иргэн оролцож, дараах үйл ажиллагааг нэг дор зохион байгуулна.

Мөн,

• Өрхийн үйлдвэрлэл, бичил бизнес эрхлэгч иргэдийн бараа, бүтээгдэхүүний үзэсгэлэн худалдаа
• Ажлын байранд бүртгэх, байнгын болон цагийн, түр ажлын байранд зуучлах үйлчилгээ
• Анхан шатны ажлын ярилцлага, хүний нөөц бүрдүүлэлт
• Ажил мэргэжлийн чиг баримжаа олгох, хөдөлмөрийн зах зээлийн мэдээллээр хангах үйлчилгээ
• Нийгмийн халамжийн үйлчилгээний талаарх мэдээлэл, зөвлөгөө
• Хөдөлмөр, халамжийн салбарын хууль тогтоомжийн талаарх мэдээлэл, сурталчилгааг авах боломжтой.