Хичээлийн шинэ жил эхлэх гэж буйтай холбогдуулан автомашинуудыг тэгш, сондгойгоор хөдөлгөөнд оролцуулах талаар мэдээлэл өгч байна. Тодруулбал, наймдугаар сарын 26-наас автомашинуудыг 20 хоногийн турш тэгш сондгойгоор хөдөлгөөнд оролцуулахаар болжээ. Ингэхдээ хойд хязгаар 32-ын тойрог, урд хязгаар 120-ийн уулзвар, зүүн хязгаар Чулуун овооны аюулгүйн тойрог, баруун хязгаар Саппорогийн тойрог гэсэн хүрээнд тэгш, сондгойгоор зорчуулна. Дугаарын хязгаарлалт өглөөний 08:00 цагаас оройн 20:00 цаг хүртэл үйлчлэх аж.

• Наймдугаар сарын 26, 28, 30, есдүгээр сарын 1, 3, 5, 7, 9, 11, 13-ны өдрүүдэд тэгш тоо буюу 0, 2, 4, 6, 8-аар төгссөн улсын дугаартай автомашиныг,
• Наймдугаар сарын 27, 29, 31, есдүгээр сарын 2, 4, 6, 8, 10, 12, 14-ний өдрүүдэд сондгой тоо буюу 1, 3, 5, 7, 9-өөр төгссөн улсын дугаартай автомашиныг оролцуулна.