Нийслэлийн прокурорын газраас Хөгжлийн банктай холбоотой гэх 80 хүн, дөрвөн хуулийн этгээдэд хамаарах 460 гаруй хавтаст хэргийг Сүхбаатар дүүргийн Эрүүгийн хэргийн анхан шатны шүүхэд шилжүүлсэн. Ийнхүү өнөөдөр /2023.02.15/ “Хөгжлийн банк”-ны гэх хэргийн шүүхийн урьдчилсан хэлэлцүүлэг Улаанбаатар Чуулгын байранд эхэлсэн бөгөөд 14 өмгөөлөгч хурал даргалагчаас татгалзсанаар хурлыг 13.30 цаг хүртэл хойшлуулаад буй.

Тэгвэл урьдчилсан хэлэлцүүлэгт УИХ-ын гишүүн Н.Алтанхуяг өөрийн биеэр иржээ.

Сануулахад, УИХ-ын гишүүн Н.Алтанхуягийг Засгийн газрын тогтоол буюу олонхоороо гаргасан шийдвэрээр яллагдагчаар татагдсан ганц хүн гэж үздэг. Нүүрсний экспортыг дэмжих тухай гэх нэртэй ЗГ-ыг тогтоолыг үндэслэн яллагдагч болгосон байдаг. Тус тогтоолд ХБ гэх нэг ч үг, үсэг байхгүй гэж УИХ-ын гишүүн Н.Алтанхуяг удаа дараа мэдэгдсээр байгаа юм.