УИХ-ын гишүүн асан Ж.Батзандангийн төрсөн ах ХХААХҮ-ийн дэд сайд Ж.Бат-Эрдэнийг АТГ-аас 48 цагийн хугацаатай саатуулсан байдаг. Улмаар уг хугацаа дуусаж, түүнийг 30 хоног цагдан хорих саналыг шүүхэд хүргүүлсэн ч тэрбээр шүүгчээсээ татгалзсан юм.

Ингэснээр түүнийг цагдан хорих хуралдааныг хийж чадаагүй бөгөөд тэрбээр суллагдсан. Харин цагдан хорионы шүүх хурал маргааш өглөө товлогджээ.

Түүнийг Дарханы замын тендертэй холбоотой асуудлаар өнгөрсөн наймдугаар сараас хойш шалгаж эхэлсэн бөгөөд уг тендертэй холбоотойгоор төслийн 4 ажилтанг саатуулаад байгаа билээ.