Хөвсгөл аймагт үйл ажиллагаа явуулдаг “Бэлтэс мөрөн” ХХК иргэдийг хохироосон талаар ЦЕГ-аас өгсөн мэдээллээр тус компани нь иргэдийн мөнгийг өсгөж өгнө хэмээн 15-100 хувийн хүүтэй иргэдээс мөнгө татан төвлөрүүлсэн хэргийг шалгажээ. Ингэхэд 13 мянга гаруй иргэнээс мөнгө татан төвлөрүүлж, 2549 иргэнд 45.3 тэрбум төгрөгийн хохирол учруулсан гэв.
"Бэлтэс мөрөн" ХХК-д мөнгөө алдсан 2000 иргэдийн төлөөлөл өнөөдөр /2022.09.26/ УИХ-ын даргад шаардлага хүргүүллээ.
Тус компанийн хохирогчийн хамаарал бүхий иргэн: "Бэлтэс мөрөн" ХХК-иас болж хохирсон иргэдийн хэргийг хэсэгчлэн шүүх рүү шилжүүлж, гарсан шийдвэрийн дагуу өмчийг битүүмжлэх, шүүхийн процессыг дуусахыг хүлээвэл урт хугацаа зарцуулах учир төр энэ хохирлыг түрүүлж барагдуулах зэргийг шаардаж УИХ-ын дарга Г.Занданшатарт хүргүүлж байна." гэв.
