Японы Ерөнхий сайд Фумио Кишида өнөөдөр /2022.08.10/ Засгийн газрын бүрэлдэхүүндээ өөрчлөлт оруулж, улстөрчдийн Нэгдлийн сүмтэй харилцах харилцаанд анхаарлаа хандуулж, засаг захиргаагаа маргаантай бүлгээс холдуулах талаар арга хэмжээ авахаа илэрхийлсэн байна.

Энэхүү өөрчлөлт нь Кишидагийн засаг захиргаанд дэмжлэг үзүүлэх хувь хэмжээ буурч байгаатай холбоотой юм. Мөн өнгөрсөн сард Ерөнхий сайд асан Шинзо Абэ сонгуулийн сурталчилгааны үеэр буудуулж амиа алдсанаас хойш тус бүлэглэл болон эрх баригч Либерал ардчилсан намын (LDP) хууль тогтоогчид хоорондын харилцааг олон нийт анхааралдаа аваад буй юм.

Кишида хэлэхдээ, түүний засгийн газрын шинэ гишүүд болон эрх баригч намын шинэ албан тушаалтнууд бүлэгтэй харилцах харилцаагаа сайтар нягталж үзэх ёстой гэжээ.