Цагдаагийн Ерөнхий газраас мэдээлэл хийлээ.

ЦЕГ-ын Хэвлэл, мэдээллийн төвийн ахлах мэргэжилтэн, цагдаагийн хошууч Б.Дэлгэрхангай "ЦЕГ-ын эрүүгийн цагдаагийн газрын алба хаагчид өчигдөр буюу наймдугаар сарын 01-ний өдрийн 06.00 цагт Турк улсаас их хэмжээний алт, монетан эдлэлийг нууцаар, татвараас зайлсхийн оруулж ирэн, мөнгө угаадаг байсныг шуурхай илрүүлэн шалгаж байгаа.

Тодруулбал, Монгол Улсын иргэн Ч, Т, Ц нар нь их хэмжээний үнэт эдлэлийг Чингис Хаан олон улсын буудал дахь гаалийн хяналтын бүсээр шалгуулахгүйгээр хууль бусаар нэвтрүүлсэн хэргийг илрүүлсэн. Шалгалтын явцад эдгээр этгээдүүд нь БНТУ-аас өмнө нь олон удаагийн үйлдлээр алт, монетан эдлэлийг хууль бусаар оруулж ирдэг байж болзошгүй байдал тогтоогдсон. Одоогоор мөрдөн шалгах үйл ажиллагаа явагдаж байгаа. Тухайн хилээр дээрх иргэдээс нэг тэрбум төгрөгийн үнэ бүхий их хэмжээний үнэлгээтэй алт, монетан эдлэлийг хураан авсан" гэв.