Нийслэлийн Засаг дарга бөгөөд Улаанбаатар хотын захирагч нь Төсвийн тухай хууль болон хэмнэлтийн горимын дагуу хоёр орлогчтой байх зохицуулалттай болсон. Энэ хүрээнд хотын дарга Д.Сумъяабазар дөрвөн орлогчоо чөлөөлөхөөр болжээ. Сануулахад,

1. Барилга, орон сууц, үйлдвэр, технологийн паркийн асуудал хариуцсан орлогч Б.Сүхбаатар

2. Цахим хөгжил, хууль, эрх зүй, төрийн үйлчилгээний асуудал хариуцсан орлогч Р.Дагва

3. Авто замын түгжрэлийг бууруулах болон зам, тээврийн асуудал хариуцсан орлогч Б.Одсүрэн

4. Ногоон хөгжил болон агаар, орчны бохирдлыг бууруулах асуудал хариуцсан орлогч П.Баттөр

5. Эдийн засгийн хөгжил, төр, хувийн хэвшлийн түншлэлийн асуудал хариуцсан нэгдүгээр орлогч Ж.Сандагсүрэн

6. Нийгмийн хөгжил, боловсрол, эрүүл мэндийн асуудал хариуцсан орлогч З.Төмөртөөмөө гэсэн зургаан орлогчтой.

Тэгвэл дээрх зургаан орлогчоосоо хэн хоёрыг нь үлдээхээ хотын дарга Д.Сумъяабазар өөрөө шийдэх юм байна.