Хөгжлийн банкны асуудлаар УИХ-ын Хянан шалгах Түр хорооны анхны хуралдаан эхэллээ. Хуралдаанаар хоёр асуудал хэлэлцэнэ. Тодруулбал,

1. Хөгжлийн банкны удирдлага болон Улсын Ерөнхий прокурорын мэдээллийг сонсоно.

2. Түр хорооны ажлын төлөвлөгөөг хэлэлцэж батална.

Сануулахад, УИХ бүрэн эрхийнхээ дагуу УИХ-ын хяналт шалгалтын тухай хуулийн 3 дугаар зүйлийн 3.1.3-т “нийтийн эрх ашгийг хөндсөн тодорхой асуудлаар иргэний мэдэх эрхийг хангах;" болон 3.1.7-д “хууль хэрэгжүүлэх явцад төрийн байгууллагын үйл ажиллагаанд гарч буй тулгамдсан асуудлыг тогтоох, УИХ-ын хяналт шалгалтын явцад төрийн байгууллага, албан тушаалтны үйл ажиллагаанд илэрсэн зөрчил, дутагдлыг арилгуулах замаар төрийн удирдлагын тогтолцооны үр нөлөөг дээшлүүлэх;” гэж заасны дагуу тухайн асуудлаар Хянан шалгах түр хороо байгуулж, Хөгжлийн банканд холбогдох асуудлуудыг авч хэлэлцэж, хянан шалгах нь зүйтэй гэж үзсэн байдаг.