Өнөөдөр буюу хоёрдугаар сарын 1-нд битүүний өдөр тохиож байна. Энэ өдрийг бүтүүлэх, битүүрэх гэж хүмүүс янз янзаар ярьдаг. Тэгвэл Я.Цэвэлийн "Монгол хэлний товч тайлбар тольд” “БИТҮҮРЭХ” гэдгийг "бөглөрөх, битүү болох" гэж тайлбарласан байна. Харин “БИТҮҮЛЭХ” гэдгийг "билгийн улирлын 12-р сарын битүүний оройн цаг, өнгөрөх жилийг үдэж, маргаашийн цагаан сарын шинийн нэгнийг угтах ёс гүйцэтгэх" хэмээн тайлбарласан байна. Уг тольд “БИТҮҮН” гэдгийг “билгийн улирлын сар тутмын гучны өдөр" хэмээн тайлбарласан байна.