Хөвсгөл аймгийн хэмжээнд баавгай айлын хотонд орж ирсэн, мал руу дайрсан тохиолдлууд гарсаар байна. Өнгөрсөн амралтын өдрүүдэд баавгайн бамбарууш Түнэл сумын малчин айлын хотонд ирсэн байна. Нутгийн залуус баавгайг бугуйлдан барьж авч Хөвсгөл аймгийн Байгаль орчин аялал жуулчлалын газрын ажлын багт хүлээлгэн өгчээ. Баавгайг энэ өвөл бие даан амьдрах чадваргүй гэж үзэж Улсын хамгаалалттай газарт аваачиж тэжээхээр төлөвлөж байгаа аж.