Өнөөдөр Хүний Эрхийн Дэд Хороо хуралдлаа. Энэ үеэр УИХ-ын гишүүн Ц.Сандаг-Очир дараах байр суурийг илэрхийллээ.

Тэрбээр, "Манай улсад хууль тогтоомж болон жагсаал цуглаан багадаагүй. 2020 онд нийт 237 жагсаал цуглаан болсон байна.

2021 онд одоогийн байдлаар 214 жагсаал цуглаан зохион байгуулагдлаа. Жилийн 365 хоногтой харьцуулаад үзвэл 70 гаруй хувьд нь жагссан байна. Үндсэн хуулиар олгогдсон үзэл бодлоо илэрхийлэх, жагсаж цуглах эрх хангалттай байна. Яг үнэнийг хэлэхэд энд сууж байгаа улс төрчид, улс төрийн намууд, хүний эрхийг зөрчиж байгаа асуудлыг өөрсдөөсөө асуух хэрэгтэй.

Энэ олон жагсаал цуглааны дийлэнх олонхыг улс төрийн намууд, улс төрчидтэй холбоотой хүмүүс л зохиодог. Хачир дээрээ өөрсдөө зохион байгуулж ард нь суудаг харин хэн буруутан болдог вэ гэхээр, урд нь гарч туг нь болж явсан хүмүүс болон, шаардлага тавьсан цагдаагийн албан хаагчид л буруутан болж байна. Үүнийг захын эмээ өвөө нар ч хэлнэ" гэв.