Нийслэлийн Сонгинохайрхан дүүргийн 32 дугаар хороо “Хүй долоон худаг”-аас 361-ийн гарам явах авто замд автомашины төмөр хийцэд хүн хавчуулагдсан гарч чадахгүй байна гэсэн дуудлага есдүгээр сарын 26-ны өдөр бүртгэгджээ. Дуудлагын дагуу нийслэлийн Аврах ангийн алба хаагчид 36 км замыг туулан очиход “Приус-20” загварын автомашин, “Санни-15” загварын автомашинтай мөргөлдөж “Санни-15” загварын суудлын автомашины зорчигч Баянхонгор аймгийн харьяат 49 настай эрэгтэй З төмөр хийцэд хавчуулагдсан ухаангүй байсныг эсэн мэнд гаргаж зөөвөрлөн ГССҮТ-д хүргэж өгсөн байна. Харин “Приус-20” загварын суудлын автомашины жолооч 27 настай эрэгтэй Б нас барсан байсныг, цогцсыг гарган тус дүүргийн тээврийн цагдаагийн хэлтсийн бүрэлдэхүүнд шилжүүлэн өгчээ.
