Цар тахлыг хохирол багатай даван туулж, эдийн засгийн сэргэлтээ эрчимжүүлэхэд төр, хувийн хэвшил, хөрөнгө оруулагчдын нягт, үр дүнтэй, нэгдмэл хамтын ажиллагаа, харилцан ойлголцол чухал болохыг өнөөдрийн “Цар тахлын үеийн эдийн засгийн сэргэлтийг эрчимжүүлэх нь” сэдэвт уулзалтаар онцолж буй.

Тус хурлын үеэр Ерөнхий сайд Л.Оюун-эрдэнэ "50 орчим их наяд төгрөг эргэлдэж буй эдийн засгийг тэлж 100 орчим их наяд болгох бодлого барьж байна. Ингэж байж нийлүүлэлт үүснэ. Жижиг дунд үйлдвэрлэл, том үйлдвэрлэлүүд хөгжих боломж бүрдэнэ. Нөхцөл байдал бүрдүүлэхийн тулд бид уул уурхай том төслүүд болон бусад том төслүүдийг хөдөлгөнө. Засаг төрийн тогтворгүй байдлаас санаа зовохгүйгээр үйл ажиллагаагаа үргэлжлүүлээрэй гэж аж ахуйн нэгж, бизнесийн хүрээнийхэндээ хэлмээр байна" гэв.