Монголын боксын холбооноос МУГТ Э.Цэндбаатарыг Үндэсний шигшээ багаас хөөх шийдвэрийг гаргасан. Тус мэдээлэлтэй холбогдуулан Монголын боксын холбооноос мэдээлэл хийлээ.

МБХ-ны Удирдах зөвлөлийн гишүүн Э.Бадар-Ууган "Э.Цэндбаатарыг бид алдчих гээд байгаа юм шиг зүйл байхгүй. Спорт нэг хүнээр дутдаггүй юм. 2007 онд би гарны бэртэлтэй байхад миний дараагийн хоёр, гурав дугаарын тамирчин намайг хүлээгээд хэрэв намайг оролцох боломжгүй бол тэмцээнд ороход бэлэн байсан. Энэ бол спортын ардчилал. Хэн нэг тамирчныг бурхан шиг шүтэхгүй. Дараа дараагийн тамирчдыг давхар бэлддэг учраас энэ нь өөрөө ардчилал юм" гэв.