Сонгуулийн сурталчилгааны сүүлчийн өдөр буюу өнөөдөр Ерөнхийлөгчид нэр дэвшигчдийн хооронд хал мэтгэлцээн болох хуваарьтай байсан. Гэвч "Зөв ХҮН Электорат" эвслээс нэр дэвшигч Д.Энхбат коронавирусийн халдвар авсан учраас нэр дэвшигчдийн мэтгэлцээнийг цуцлах болсон талаар МҮОНТВ-ийн Ерөнхий захирал А.Бүрэнбаатар мэдэгдсэн.
Тэгвэл түүний мэдэгдэлтэй холбогдуулан нэр дэвшигч Д.Энхбат өөрийн цахим хуудсаараа дамжуулан дараах мэдэгдлийг хийжээ. Тэрбээр, "МҮОНТ сонгуулийн мэтгэлцээнийг зохион байгуулах боломжгүй гэж үзжээ. Бие даасан шийдвэр гаргаж чадахгүй байгаад нь харамсаж байна. Уг нь тэд сонгогчдынхоо талд 100% зогсох ёстой байгууллага бус уу" гэжээ.
