Хатуу хөл хорионы үеэр хууль бус мөрийтэй тоглоом зохион байгуулж байсан иргэдийг илрүүлжээ. Тодруулбал, энэ сарын 5-ны өдөр БЗД-ийн 24 дүгээр хороо Эрдэнэтолгойн 4-15 тоотод хэсэг бүлэг хүмүүс мөрийтэй тоглоод байна гэх мэдээлэл тус дүүргийн цагдаагийн гуравдугаар хэлтэст ирсэн байна. Мэдээллийн дагуу БЗД-ийн цагдаагийн газрын гуравдугаар хэлтсийн Эрүүгийн цагдаагийн тасгийн алба хаагчид шалгалтын ажиллагаа явуулахад Т гэгч нь нэр бүхий 13 иргэний дунд хууль бус мөрийтэй тоглоом /покер/ зохион байгуулж байжээ.
Тиймээс Эрүүгийн хуулийн 20.17 дугаар зүйлд заасан гэмт хэрэг үйлдсэн, хорио цээр хязгаарлалтын дэглэм зөрсөн үйлдлийг илрүүлэн таслан зогсоож, Баянзүрх дүүрэг дэх цагдаагийн газрын нэгдүгээр хэлтэст хүлээлгэн өгсөн аж.
