Засгийн газрын иргэд олон нийттэй харилцах 11-11 төв нь төрийн үйлчилгээний нэгдсэн систем “E-Mongolia”-ийн үйлчилгээний төв болон өргөжиж, энэ ням гарагт Төв шуудангийн нэгдүгээр давхарт үүдээ нээнэ.

Тус төвөөр дамжуулан иргэд төрийн байгууллагын талаар санал хүсэлт, шүүмжлэл, гомдол, талархлыг биечлэн хүргэж болно. Мөн “E-Mongolia” системээр үзүүлдэг төрийн 40 орчим байгууллагын 500 гаруй цахим үйлчилгээний тухай заавар, зөвлөмж, туслалцаа авах боломжтой.

Одоогоор иргэд E-Mongolia системээс давхардсан тоогоор төрийн 1,6 сая үйлчилгээг цахимаар авчээ.