Бусдын эрүүл мэндэд хүнд хохирол учруулсан хэргээр яллагдагчаар татагдаад буй МҮОХ-ны ерөнхийлөгч Н.Түвшинбаяр хоригдож байхдаа "Ковид - 19"-ийн халдвар авсан нь өнөөдөр батлагджээ.
Тодруулбал, Улсын начин Э.Энхбатыг ноцтой байдлаар зодсон хэрэгт холбогдон шалгагдаж байгаа тэрбээр ШШГЕГ-ын харьяа Цагдан хорин 461 дүгээр ангид саатуулагдаж байгаа билээ. Тэрбээр одоо 461 дүгээр хаалттай ангийн эмнэлэгт хэвтэн эмчлүүлж байгаа гэх мэдээлэл байна. Харин халдварыг цагдан саатуулах ангиас авсан уу, халдвар тээж орсон уу гэдгийг нь тандалтаар тогтоох аж.
