Оргодол цэргүүдийг Говь-Алтай аймгийн Алтай сумын Бадрал багийн нутаг дэвсгэрээс өнөөдөр 10.20 цагт олж тогтоон ямар нэгэн эрсдэлгүй баривчилсан тухай ЦЕГ-ын Хэвлэл, мэдээллийн төвийн дарга, хурандаа Б.Баатархүү мэдээлэв.
Албаныхан ар гэрийнхэнтэй хамт очиж, аав ээжийг нь өөдөөс нь явуулж байгаад бууг нь газарт тавиулж, аюулгүй болгожээ. Баривчилгааны дараа хоёр цэрэг гэрийнхэндээ "Армид үнэхээр дарамттай байсан. Дэглэлт, дарамтыг тэссэнгүй ийм зүйл хийчихлээ" гэжээ. Одоогоор тус хэргийг Говь-Алтай аймгийн Цагдаагийн газар үргэлжлүүлэн шалгаж байна.
