Засгийн газрын шийдвэрийн дагуу энэ сарын 10-25-ныг хүртэл хатуу хөл хорио тогтоосон. Хатуу хөл хорионы үеэр модель Н.Эрдэнэцогт буюу Ээгий өөрийн сошиал хаягаараа "Цагдаа найзтай байх ийм сайхан" хэмээн жолоогоо бариулан яваа бичлэгээ нийтэлсэн юм.

   Мэдээж эл үйлдэл нь иргэдийн дургүйцлийг ихээхэн хүргэж байна. Учир нь хатуу хөл хорионы үеэр ажиллах 15 салбарын ажилчдаас бусад нь гадуур гарахгүй хөл хорионд орох ёстой. Харин цагдаагийн албан хаагчид хамгаалалтад гарч ажиллаж байгаа. Гэтэл албан тушаалын байдлаа урвуулан ашиглаж модель Н.Эрдэнэцогтод үйлчилж байгаа албан хаагчид хариуцлага тооцно гэж ЦЕГ-аас мэдээллээ.