ЭМЯ-ны Шинжлэх ухаан, технологийн зөвлөлийн Нарийн бичгийн дарга, АУ-ны доктор Оюунсүрэн өнөөдрийн ээлжит хэвлэлийн хурлын үеэр дэлхий дахинд хийж буй коронавирустэй холбоотой мэдээллийг өгсөн. Дэлхийн эрдэмтдийн хамтарсан хоёр том судалгааны төсөл байгаагийн нэг нь вакцин, нөгөөх нь мутацид орсон коронавирусний судалгаа юм.

    Тодруулбал, 2020 онд Их Британид гарсан мутацид орсон коронавирусийг Английн мутаци хувилбар гэж нэрлэжээ. Мөн Өмнөд Африкт гарсан мутацид орсон хэлбэрийг Бразилийн мутаци хувилбар гэж нэрлээд байна.  Эхний үр дүнгээр тухайн шинэ мутаци хэлбэр нь хүн хооронд халдварлах чадвар өндөр, ихэвчлэн 60-аас дээш насныхан өвдөж байгаа бөгөөд судлаачид дараах таамаглалыг дэвшүүлжээ.

   Тухайлбал, мутацид орсон хувилбар нь,

• Хүн амын дунд хурдан тархана,
• Хөнгөн хүнд хэлбэрээс үл хамаарч өвчлөх нь хурдан
• Оношилгоонд илрэхгүй байх магадлалтай
• Эмчилгээний бодист мэдрэмтгий байдал буурч болзошгүй үр дагавруудыг нэрлэжээ.