Өнгөрөгч дөрөвдүгээр сарын 24-нд УИХ-ын чуулганаар УИХ-ын гишүүн П.Ганзоригийг Хүний хөгжил, нийгмийн бодлогын байнгын хорооны даргаар сонгосон билээ. Тэгвэл үүнтэй холбоотойгоор түүнийг УИХ дахь ХҮН намын зөвлөлийн даргын ажлаа давхар хаших талаар тодруулахад "ХҮН намын зөвлөлөөс намайг байнгын хорооны дарга, зөвлөлийн даргын албан тушаалаа давхар хашаад явах нь зөв гэсэн байр суурь дээр нэгдсэн. Тодорхой хугацаанд зөвлөлийн даргын ажлаа цуг хийгээд явна" гэлээ.