МАН-ын Бага хурлын VIII хуралдааны шийдвэрээр УИХ-ын дарга Д.Амарбаясгаланг Монгол Ардын намын шинэ даргаар сонгосон билээ. Тодруулбал, эхний санал хураалтаар Д.Амарбаясгалан 57, Г.Занданшатар 43 хувийн санал авсан. Харин хоёр дахь шатны санал хураалтын өмнө ирцийг дахин бүртгэхэд 321 гишүүн бүртгэгдсэн бөгөөд тэдгээрийн 87.67 хувийн саналаар Д.Амарбаясгалан ялалт байгуулсан юм.
Тэгвэл УИХ-ын гишүүн Б.Энхбаяр энэ талаар байр сууриа илэрхийлжээ. Тэрбээр "Улс төрийн намын хуулийн 17.6-д “Намын дүрэмд заасны дагуу … намын даргыг сонгоно.” гэж, МАН-ын дүрмийн 20.3.7-д “намын Их хурлын чөлөөт цагт намын дарга орон гарвал Бага хуралд оролцсон гишүүдийн гуравны хоёрын саналаар шинэ даргыг сонгох” гэж заасан.
МАН-ын Бага хуралд 442 гишүүн оролцсон байх бөгөөд 275 гишүүн (62.2%) Д.Амарбаясгаланд санал өгчээ. Нэгэнт эхэлсэн бөгөөд үргэлжилж буй Бага хурлын ирцийг 321 болгож дундуур нь дахин Бага хурлыг “эхлүүлж” ирц тооцдог ямар ч дүрэм, дэг байхгүй" гэлээ.
