Чөлөөт бөхийн Азийн АШТ-ий эмэгтэй бөхийн тэмцээн болж байна.
Эмэгтэйчүүдийн 65 кг-д хүч сорьж буй манай бөх Т.Энхжин шөвгийн 8-д БНСУ-ын бөх Бак Жеон Гаэ-г даралтаар цэвэр ялж, хагас шигшээд шалгарлаа.
Манай бөх барилдаанд 4:0-ээр илүүрхэж яваад даралтад оруулж, ялалт байгуулсан юм.
Одоо Т.Энхжин Узбекистаны Шахзода Алланязоватай барилдах болно. Т.Энхжин өнгөрсөн жилийн тивийн аваргаас мөнгөн медаль хүртэж байсан билээ.
