Согтуугаар тээврийн хэрэгсэл жолоодон, бусдын амь насыг хохироожээ. Тодруулбал, "Задгай хашаанд автомашинд хүн дайруулж, нас барсан" гэх дуудлага мэдээлэл Хэнтий аймгийн цагдаагийн газарт энэ оны 12 дугаар сарын 23-ны өдөр бүртгэгджээ. Цагдаагийн байгууллагаас шалгалтын ажиллагааг явуулахад, иргэн Х нь согтуурсан үедээ тоёота маркийн автомашиныг жолоодож ухрах үйлдэл хийх үедээ 52 настай иргэнийг мөргөж, амь насыг нь хохироожээ. Тус хэрэгт холбогдох мөрдөн шалгах ажиллагааг цагдаагийн байгууллагаас үргэлжлүүлж байна.