Ховд аймаг, Алтай сумын Барлаг багийн "Хөх дэл" гэдэг газар /аймгийн төвөөс баруун урд зүгт 380 км-т, сумын төвөөс урд зүгт 80 км-т/ хоёрдугаар сарын 16-ны 20:00 цагийн орчимд малчин М, О нар гэрлүүгээ малаа тууж яваад сураггүй болсон тухай дуудлагыг Онцгой байдлын байгууллага 17-ны 23:00 цагт хүлээн авчээ.

Тус аймгийн Онцгой байдлын газрын Булган сум дахь Онцгой байдлын хэлтсийн Гал түймэр унтраах, аврах 38 дугаар ангийн алба хаагчид, сумын мэргэжлийн ангийнхан, ар гэрийнхэн 2 малчныг эрэн хайх ажиллагааг энэ сарын 18-ны 00:00 цагт зохион байгуулж, мөн өдрийн 10:40 цагт нөхөр М/53 настай, эрэгтэй/-ыг гэрээс нь 9 км зайнаас эсэн мэнд олж, ар гэрийнхэнд нь хүлээлгэн өгсөн.

Түүний эхнэр О /50 настай, эмэгтэй/-ийн цогцсыг 19:40 цагт гэрээс нь зүүн урд зүгт 5 км зайнаас олж, Булган сум дахь Цагдаагийн хэлтсийн цагдаад шилжүүлэн өгсөн байна.