Коронавируст халдвар /КОВИД-19/-ын цар тахлын онцгой байдлын үед Засгийн газраас авч хэрэгжүүлсэн төлөвлөгөө, төсөл хөтөлбөрүүдийн санхүүгийн зарцуулалт, гадаадын орнуудаас авсан зээл, тусламж, иргэн, аж ахуйн нэгжүүдийн хандив, тусламж болон тэдгээрийн орлого, зарлагыг нийтэд ил болгох тухай асуудлаарх Ерөнхий хяналтын сонсгол эхэллээ.

Хуралдаан эхлэхэд АН-ын бүлгийн дарга О.Цогтгэрэл "ЭЗБХ-ноос шинжээч томилж өгөөгүй тул сонсголыг хойшлуулах хүсэлтэй байна" гэх байр суурийг илэрхийллээ.

Харин Эрүүл мэндийн сайд С.Чинзориг, Сангийн сайд Б.Жавхлан, Эдийн засгийн байнгын хорооны дарга Цэрэнпунцаг нар сонсголыг хойшлуулахгүй үргэлжлүүлэх хүсэлтэй байгаагаа илэрхийлж, мөн улстөржсөн мэдэгдэл хийхгүй байхыг АН-ын бүлгээс хүсэв.